Ĉapitro 1: En universitata restoracio

Tom:	Saluton, Linda.
Linda:	Saluton, Tom.
Tom:	Diru al mi: kiu estas tiu?
Linda:	Kiu?
Tom:	Tiu alta, blonda, juna viro…
Linda:	Kiu?
Tom:	Tiu, kiu sidas en la angulo.
Linda:	Ho, tiu!
Tom:	Jes, tiu.

Linda:	Mi ne scias. Mi ne scias, kiu li estas. Nova studento, verŝajne.
Tom:	Li estas tute sola.
Linda:	Ne. Rigardu. Bela knabino iras al li.
Tom:	Ne bela. Juna, eble, sed ne bela. Nur vi estas bela, Linda.
Linda:	Tom, kara! Kio okazas al vi? Eble vi laboras tro multe, kaj…
Tom:	Nenio speciala okazas al mi. Kaj mi ne laboras tro multe. Fakte, mi laboras malmulte nun. La vera demando estas: kio okazas al vi, Linda? Nur vi estas vere bela.

Linda:	Nu, nu…
Tom:	Estas fakto. Nur vi estas bela, Linda. Mi estas sincera. Venu kun mi!
Linda:	Sed…
Tom:	Venu. Al la granda spegulo. Rigardu. Jen estas Linda, la plej bela virino en la mondo, la plej bela virino en la tuta mondo.
Linda:	Kaj jen estas Tom, la plej malserioza knabo en la tuta universitato.

Demandoj

Kiu sidas en la angulo?
(Tom / Linda / blonda viro / juna knabino / maljuna viro)
Kiu iras al li?
(Tom / Linda / blonda viro / juna knabino / maljuna viro)
Al kio iras Tom kaj Linda?
(al la angulo / al granda spegulo / al la nova studento / al la blonda viro)
Kiu estas (eble) la plej bela virino en la mondo?
(Tom / Linda / blonda viro / bela knabino / maljuna viro)
Kiu estas (eble) la plej malserioza knabo en la universitato?
(Tom / Linda / blonda viro / bela knabino / maljuna viro)

Ekzercoj

Ekzemplo: { -a al -as grand- ir- mi -o spegul- } → Mi iras al granda spegulo.

{ -a -as est- grand- li -o vir- }
{ -a -as en est- li -o restoraci- student- }
{ -a jen labor- nov- -o }
{ -a -as nenio nun okaz- special- }
{ -as bel- est- kio -o ? }

Gramatiko

-o: noun: vera, “true” → la vero, “the truth”
ebla, “possible” → eblo, “possibility”
li demandas, “he asks” → demando, “a question”
mi scias, “I know” → scio, “knowledge”
-a: adjective: viro, “man” → vira “masculine”
angulo, “angle” → angula, “angular”
-e: adverb: bela, “beautiful” → bele, “beautifully”
knabina, “girlish” → knabine, “in a girlish way”, “girlishly”
vi demandas, “you ask” → demande, “questioningly”
-as: verb, present tense: serioza, “serious” → mi seriozas, “I’m being serious”, “I’m speaking seriously”
kunsido (kun + sido), “a session”, literally: “a sitting- with”, “a sitting together” → vi kunsidas, “you hold a session”, “you have a meeting”
-u: verb, imperative: iru!, “go!”
venu!, “come!”
vi sidas, “you’re sitting” → sidu! “be seated”
mal-: opposite: alta, “high” → malalta, “low”
vero, “truth” → malvero, “falsehood”
-in: female: knabo, “boy” → knabino, “girl”

Sentences with kiu

Kiu estas Gerda?, “Who is Gerda?”
Kiu scias?, “Who knows?”
Kiu knabo laboras?, “Which boy is working?”
Al kiu knabino li iras?, “Which girl does he go to?”
En kiu universitato ŝi laboras?, “In which university does she work?”
la viro, kiu rigardas, “the man who is looking”
la universitato, en kiu mi laboras, “the univerity in which I work”
la knabo, al kiu vi rigardas, “the boy (which) you are looking at”

Extra reading: Izabela

Izabela rigardas al la granda spegulo. La knabino en la granda spegulo rigardas al Izabela. Izabela scias, kiu estas la knabino en la spegulo. Tiu enspegula knabino estas juna, malgranda kaj ne bela. Estas Izabela.

“La mondo ne estas bela” diras Izabela al la spegulo. “Mi ne estas bela, mi ne estas granda, mi estas juna, tro juna. Nenio okazas al mi. En la tuta mondo ne estas knabo, kiu venas al mi kaj diras al mi “saluton” kaj sidas kun mi. En la tuta mondo ne estas juna viro, kiu venas al mi kaj rigardas al mi kaj diras : “Kara Izabela, vi estas juna kaj bela, sed vi laboras tro multe. Ne laboru nun. Venu kun mi. Ne demandu, kiu mi estas, kio mi estas. Mi estas nur juna viro, kiu rigardas al vi kaj diras : “Vi estas tute sola. Venu kun mi. Kun mi la mondo estas bela kaj granda.” Sed ne venas tiu knabo, kaj en la tuta mondo nenio okazas. Nenio okazas al mi, nenio nova okazas, nenio speciala okazas. Nur laboro, laboro, laboro… Estas tro.”

“Mi sidas tute sola. Mi rigardas al vi, spegulo. Kaj en la spegulo estas nur Izabela, la plej malbela knabino en la tuta mondo. Vere la nuna mondo ne estas bela.”

Vortoj

al	to; towards
alta	high; tall
angulo	corner, angle
bela	beautiful; handsome
blonda	fair, blond(e)
demandas	ask(s)
demando	question
diras	say(s), tell(s)
ebla	possible
eble	maybe, perhaps, possibly
en	in
estas	am, is, are
fakte	as a matter of fact
fakto	fact
granda	big, large, great
ho	oh!
iras	go, goes
jen	here is, here are, behold
jes	yes
juna	young
kaj	and
kara	dear
kio	what
kiu	who
knabino	girl
knabo	boy
kun	with
la	the
laboras	work(s)
li	he, him
mi	I, me
mondo	world
multaj	many
multe	much
ne	no, not
nenio	nothing
nova	new
nu	well (as in: “well, as far as I’m concerned…”)
nun	now
nur	only
okazas	happens
plej	most
restoracio	restaurant
rigardas	look(s) (at)
saluton	hello!, hi!
sed	but
serioza	serious, earnest
scias	know(s)
sidas	sit(s)
sincera	sincere
sola	alone; (the) only (…)
speciala	special
spegulo	mirror
studento	student
tiu	that one, that
tro	too, too much, too many
tuta	whole, entire
tute	completely, quite
universitato	university
venas	come(s)
vera	true, real
vere	really
verŝajna	probable, likely
verŝajne	probably
vi	you
virino	woman
viro	man, male