Esperanto ĉe la Universitato de Roĉestro

Radio Verda estas podkasto el Vankuvero, Kanado, kiu prezentas mallongajn raportojn pri diversaj temoj. Kreintoj Arono kaj Karlina prezentas klaran, ne tro rapidan, kaj modelan elparolon por lernantoj. Komencantoj ne senkuraĝiĝu se vi ne komprenos ĉion; per zorga aŭskultado vi nepre progresos kaj profitos. Eblas aŭskulti/elŝuti per kaj la TTT-ejo de Radio Verda kaj iTunes. Jen ligilo.

Radio Verda is a podcast out of Vancouver, Canada, presenting short programs on a wide range of topics. Hosts Arono and Karlina speak slowly and clearly, with model pronunciation for students. If you’re a beginner, don’t be discouraged if you don’t understand everything; careful listening will definitely help your comprehension. You can listen and download the podcast through both the Radio Verda website and iTunes. Here’s a link.

Samopiniuloj estas simpla, senpaga retludo. Ĉiutage en ĝia retejo aperas nova vorto; vi devas proponi rilatajn vortojn, kiuj ne enhavas la saman radikon. Ekzemple, se la vorto de la tago estas luno, vi rajtas proponi suno, eklipso, Armstrong, satelito, ktp., sed ne lunarko, ĉar tiu vorto enhavas la radikon lun-.

Post 24 horoj, vi ricevos poentojn se vi proponis la samajn vortojn, kiujn proponis aliaj ludantoj. Provu ĝin! Ĝi estas tre facila ludo, kaj bona instigo trovi novajn vortojn en vortaro.

Jen la ligilo: Samopiniuloj.

Samopiniuloj is a simple, free online game. Each day a new word appears on the game website; you have to suggest related words that don’t have the same root. For example, if the word of the day is luno, you can suggest suno, eklipso, Armstrong, satelito, etc., but not lunarko, since it contains the root lun-.

After 24 hours you’ll receive a score; you get points if you have the same words chosen by other players. Give it a try! It’s a very easy game, and a good incentive to look up new words in the dictionary.

Here’s the link: Samopiniuloj.

Jen alia novaĵero pri Esther Schor (profesoro de la angla lingvo ĉe la universitato Princeton) kiu nun verkas libron pri Esperanto kaj L. L. Zamenhof. Ŝi ĵus resumis tiun rakonton en artikolo por The New Republic, usona politika revuo.

Parenteze, d-ro Schor ankaŭ prezentis tiun ĉi artikolon en prelego ĉe la UN por soleni la 150-an datrevenon de la naskiĝo de Zamenhof. La filmo de la evento haveblas rete.

Here’s another news item about Esther Schor (a professor of English at Princeton) who’s currently working on a book about Esperanto and L. L. Zamenhof. She just gave a summary of that story in an article for The New Republic magazine.

Incidentally, Dr. Schor also presented this article in a talk at the United Nations in honor of Zamenhof’s 150th birthday. The video of that talk is available online.

D-ro Esther Schor estas profesoro de anglalingva literaturo ĉe la universitato Princeton. Ŝi nun prilaboras libron pri Esperanto kaj L. L. Zamenhof, kiu iniciatis la lingvon.

Lastatempe intervjuis ŝin The World in Words, anglalingva podkasto de PRI, kaj ŝi bele prezentis la lingvon kaj ties komunumon inteligente kaj koncize. Se anglaparolantaj amikoj iam demandas al vi, “Kio estas Esperanto?”, eble indas direkti ilin al la jena podkasto.

Ligiloj: elŝutu MP3-dosieron aŭ aŭskultu per iTunes.

Esther Schor is a professor of English Literature at Princeton University. She’s currently working on a book about Esperanto and L. L. Zamenhof, the guy who got the whole thing started.

Recently Dr. Schor was interviewed by The World in Words, a podcast of PRI. She does a nice job of presenting the language and its speaker community in an intelligent, concise manner. If friends ever ask you what Esperanto is all about, you might want to point them to this podcast.

Links: download the MP3 file or listen via iTunes.

Jen la solvo por la pasintsemajna hejmtasko, kiun oni uzis en morfologia klaso por anglalingvanoj ĉi tie ĉe UR.

Tiuj, kiuj jam konas la lingvon rimarkos kelkajn simpligaĵojn faritajn por faciligi la ekzercon. Ekzemple, la vorto librejo estas malpli ofte uzata ol la pli moderna biblioteko.

Here’s the solution for last week’s problem set, used in a morphology class for English speakers here at UR.

Those already familiar with the language will note some simplifications to make the exercise easier. For example, librejo is a less frequently used translation for “library” than the more modern biblioteko.

Ĉu vi serĉas eĉ pli da semestrofinaj hejmtaskoj? :-)

Jen hejmtasko por UR-kurso pri morfologio—la studo de vortstrukturo. Kursanoj ekzercas sin en analizado per normigitaj ekzemploj tiaj. La tasko estas malkovri la bazajn signiferojn (morfemojn) kaj eltrovi la regulojn, per kiuj ili kuniĝas.

Ni afiŝos la solvojn venontsemajne.

Looking for more end-of-semester homework to do? :-)

Here’s a problem set for a UR class in morphology, the study of word structure. Students gain experience with regularized samples like this one, by finding the morphemes (the basic units of meaning) and figuring out the rules by which they combine.

We’ll post the answers next week.

Malgraŭ tio, kion vi eble aŭdis dum la infanaĝo, efektive ekzistas Avo Frosto (alinome “Sankta Nikolao”). Li loĝas en Kanado kaj parolas multajn lingvojn, inkluzive de Esperanto. Jes, vere!

Despite what you may have heard as a kid, there actually is a Santa Claus. Also known as “Father Frost,” he lives in Canada and speaks many languages, including Esperanto. Yes, really.

Vi nun povas sendi al li leteron—danke al la Kanada Poŝtosistemo kaj la Esperanto-Societo Kebekia (ESK)—kaj ricevi respondon en Esperanto. Avo Frosto preferas manskribitajn leterojn. Ne forgesu klare skribi viajn nomon kaj adreson, kaj indiku la vorton “Esperanto” por certigi respondon en la ĝusta lingvo. Lia adreso estas:

AVO FROSTO
NORDA POLUSO
KANADO — CANADA
HOH OHO

Por ricevi pliajn informojn, kontaktu ESK-on je informo ĉe esperanto punkt qc punkt ca.

You can now send him a letter—courtesy of the Canadian Postal System and the Quebec Esperanto Society (ESK)—and receive a response in Esperanto. Handwritten letters are preferred. Don’t forget to write clearly and specify your name, address, and indicate “Esperanto” in your letter to ensure a response in the right language. His address is:

AVO FROSTO
NORDA POLUSO
KANADO — CANADA
HOH OHO

For more information, contact ESK at informo at esperanto dot qc dot ca.